Մոտակա շաբաթների ընթացքում սպասվում է Եվրոպա փախստականների հոսքի մեծացում. մոտ 150 հազար մարդ պատրաստվում է Լիբիայի մայրաքաղաք Տրիպոլիից Միջերկրական ծովով մեկնել Եվրոպա՝ գրում է գերմանական Bild am Sonntag թերթը:
Գերմանիայի ՆԳՆ-ում անհանգստանում են, որ փախստականները կժամանեն Հունաստան, այնտեղից էլ՝ «բալկանյան երթուղով» Եվրոպա: Այդ առիթով Գերմանիայի կառավարությունը ծրագրում է երկուշաբթի օրը Եվրահանձնաժողովից պաշտոնապես պահանջել Շենգենյան համաձայնագրի անդամ երկրներում փախստականների հանդեպ լիովին վերահսկողության սահմանում:
«Չի կարելի թույլ տալ, որ միգրացիոն ճգնաժամը բեռ դառնա, որը պետք է կրի միայն Գերմանիան»,- հայտարարել են Գերմանիայի ՆԳՆ-ում:
