ԱՄՆ Հանրապետական կուսակցությունից նախագահի թեկնածու Դոնալդ Թրամփը հայտարարել է, որ Հռոմի պապ Ֆրանցիսկոսը կցանկանա իրեն տեսնել նախագահի պաշտոնում, երբ ԴԱԻՇ ահաբեկչական խմբավորման գրոհայինները հարձակում գործեն Վատիկանի վրա, հաղորդում է Reuters-ը:
«Եթե ԴԱԻՇ-ը հարձակվի Վատիկանի վրա, որը, ինչպես բոլորին հայտնի է, ԴԱԻՇ-ի համար գլխավոր ավարն է, ես խոստանում եմ, որ պապը կերազի ու կաղոթի, որ Դոնալդ Թրամփը լինի նախագահ»,- ասել է նա:
Նա նաև քահանայապետի դիրքորոշումն «ամոթալի» է անվանել:
Տվյալ հայտարարությունը Թրամփն արել է այն բանի ֆոնին, որ Հռոմի պապն ասել է, թե Թրամփին չի կարելի քրիստոնյա անվանել միգարցիայի վերաբերյալ նրա դիրքորոշման պատճառով:
