ԴԱԻՇ-ի մշակած Alrawi կոդավորված մեսենջերը, պարզվել է, Bluetooth-ով ֆայլերի փոխանցման համար հավելված է, որի աշխատանքում պարբերական խափանումներ են լինում: Այս մասին հայտնում է Defence One-ը:
Հունվարի սկզբին հավելվածը հայտնաբերած Ghost Security Group-ից ցանցահեն-հետազոտողների պնդմամբ՝ իրենք շտապել են Alrawi-ում նամակագրության կոդավորման գործառույթի առկայության մասին եզրակացություններում: Իրականում այն ստեղծվել է երեխաներին ծրագրավորում սովորեցնելու համար MIT App Inventor նախագծողի միջոցով:
Այն ունի Bluetooth-ով ֆայլերի փոխանցման գործառույթ, բայց, միաժամանակ, նամակագրությունը ոչ մի կերպ չի կոդավորվում: Բացի դրանից՝ հավելվածի աշխատանքում հաճախ խնդիրներ են լինում:
Հունվարի կեսին Ghost Security Group-ը հայտարարել էր, որ ԴԱԻՇ-ի գրոհայինները մշակել են սեփական կոդավորված մեսենջեր Android-ի համար:
Նշվում էր, որ ահաբեկիչների Alwari անվանված մեսենջերը հաղորդագրությունների ծածկագրման գործառույթ ունի, որը հեռու է Telegram-ի և այլ մեսենջերների համանման գործառույթներից:
