Անգլիական Վուսթեր քաղաքի բնակչուհին լվացքի ժամանակ վնասել է 47միլիոն դոլար շահումով վիճակախաղի տոմսը: Այդ մասին գրում է Worcester News պարբերականը:
Բրիտանուհին պնդում է, որ տոմսը գտել է արդեն լվացված ջինսի գրպանում և հետո ջանացել է չորացնել ֆենով: Սակայն արդյունքում տոմսը էականորեն վնասվել է: Նրա վրա պարզ երևում են շահած թվերի կոմբինացիան և տարեթիվը, սակայն բացակայում են ամսաթիվը, սերիական համարը և շտրիխ-կոդը:
Բրիտանուհին դիմել է Camelot ընկերության օպերատորին, որը նրան խորհուրդ է տվել գրավոր շարադրել կատարվածը և տոմսի հետ ուղարկել ընկերություն: Այժմ նա սպասում է պատասխանի:
