Բրիտանացի ֆիզիկոս-տեսաբան Սթիվեն Հոքինգը մարդկությանը զգուշացրել է անխուսափելի տեխնածին աղետի մասին, որը տեղի կունենա առաջիկա 1 000 տարում: Այս մասին գիտնականն ասել է BBC Radio 4 ռադիոկայանին:
Ֆիզիկոսն առանձնացրել է 3 հիմնական սպառնալիք մարդկության համար՝ միջուկային պատերազմ, գլոբալ տաքացում և գենային ինժեներիայով ստեղծված վիրուսներ: Ըստ ֆիզիկոսի՝ մոտ ժամանակներս դրանք չեն սպառնում մարդուն, բայց ժամանակի ընթացքում ինչ-որ բան «կարող է այնպես չընթանալ»:
«Երկիր մոլորակի վրա աղետի առաջացման հնարավորություններն այս տարի բավական ցածր են, բայց ժամանակի ընթացքում դրանք ավելանում են, այնպես որ կասկած չի մնում, որ դա տեղի կունենա առաջիկա 1 000 կամ 10 000 տարում»,- ասել է ֆիզիկոսը:
Մարդկության փրկությունը Հոքինգը տեսնում է Երկրից տեղափոխվելու մեջ:
