ՄԱԿ-ը դիմել է երկրներին՝ 2016 թվականին Սիրիայի և հարևան երկրների ավելի քան 22 մլն բնակիչներին մարդասիրական օգնության ցուցաբերման նպատակով 7.73 մլրդ դոլարի հատկացման խնդրանքով։ Այս մասին փոխանցում է TASS գործակալությունը։
Համաշխարհային կազմակերպությունում ծրագրում են ընդգրկել Սիրիայի 13.5 մլն կարիքավորների, տարածաշրջանում կենտրոնացած 4.7 մլն սիրիացի փախստականների և այլ երկրներում ապաստանած 4 մլն փախստականների։ Միջոցները կուղղվեն ՄԱԿ-ի գործակալությունների գործողությունների, ինչպես նաև Թուրքիայում, Լիբանանում, Իրաքում և Եգիպտոսում միջազգային և ոչ կառավարական կազմակերպությունների ֆինանսավորմանը։
Նշվում է, որ օգնության կարիք ունի մոտ 22.5 մլն մարդ։
Սիրիայի հարցով դոնորային համաժողովը կկայանա Լոնդոնում՝ 2016 թվականի փետրվարի 4-ին։
