Մյունխենի «Բավարիա»-ի հարձակվող Ռոբերտ Լևանդովսկին արժանացել է Լեհաստանի՝ 2015 թվականի լավագույն մարզիկի կոչմանը: Այս մասին հաղորդում է «Przeglad Sportowy»-ը:
27-ամյա Լևանդովսկին պատմության մեջ երրորդ ֆուտբոլիստն է, ում հաջողվել է Լեհաստանում արժանանալ այս մրցանակին:
2015 թվականին Լևանդովսկին բոլոր մրցաշարերում դարձել է 49 գոլի հեղինակ՝ օգնելով իր հավաքականին դուրս գալ Եվրոպայի առաջնության հաջորդ փուլ: Լեհ ֆուտբոլիստը նաև ընդգրկվել է Գինեսի ռեկորդների գրքում՝ 9 րոպեում 5 գնդակ ուղարկելով «Վոլֆսբուրգ»-ի դարպասը:
Գերմանիայի Բունդեսլիգայի ընթացիկ առաջնությունում Լևանդովսկին 16 խաղում 15 գոլի և 2 գոլային փոխանցման հեղինակ է դարձել:
