«Տարին բարդ էր, տարին լի էր իրադարձություններով «Առաջին լրատվական»-ի հետ զրույցում, ամփոփելով 2015-ը, նշեց ԱԺ փոխխոսնակ ՀՀԿ մամուլի խոսնակ Էդուարդ Շարմազանովը: Նա նախ անդրադարձավ տարվա ընթացքում ունեցած կորուստներին. «Հիմնական կորուստները մեր խաղաղ բնակիչները և մեր զինվորներն էին, որոնք զոհ գնացին ադրբեջանական ավանտյուրային:
Մեր թիկունքն ամուր է, որովհետև մեր թիկունքին կանգնած է հայ զինվորը, որը պաշտպանում է Հայաստանի և Լեռնային Ղարաբաղի Հանրապետության անվտանգությունը»:
Անդրադառնալով ձեռքբերումներին՝ Է. Շարմազանովը նշեց, որ Ցեղասպանության 100-րդ տարելիցին Հայաստանին հաջողվեց աշխարհի ուշադրությունը սևեռել Ծիծեռնակաբերդի վրա, Հայաստան այցելեցին բազմաթիվ երկրների պատվիրակներ, 4 երկրների առաջնորդներ, այդ թվում՝ Ռուսաստանի և Ֆրանսիայի նախագահները, ընդունվեցին Ցեղասպանությունը դատապարտող բազում հայտարարություններ, Կիպրոսի խորհրդարանը և Հունաստանի Հանրապետությունը ընդունեցին ժխտողականության բանաձև: Պարագվայի սենատը միաձայն ընդունեց Հայոց ցեղասպանությունը: Թուրքական կեղծ գալիպոլիները ֆիասկո ապրեցին:
Ըստ Է. Շարմազանովի թեպետև դեռ տեսանելի չէ, բայց հաջորդ ձեռքբերումը նոր Սահմանադրության ընդունումն է. «Ունենալու ենք անվտանգության ավելի կայուն համակարգ, ժողովրդավարությունը, մարդու իրավունքները, բազմակարծությունը, ընդդիմության իրավունքները պետք է ավելի զարգանան»,- հավաստիացրեց Է. Շարմազանովը:
«Քաղաքական պայքարը սովորականի նման է. ընդդիմությունը քննադատում է, իշխանությունն աշխատում կամ արդարանում»,- նշեց Է. Շարմազանովը և խոստովանեց, որ 2015-ին շատ բան չհաջողվեց, ըստ նրա՝ դա պայմանավորված է ներքին և արտաքին մարտահրավերներով:
Մանրամասները՝ տեսանյութում:
