ՀՀ ոստիկանապետ Վլադիմիր Գասպարյանն ապրիլի 30-ին Գյումրիում հանդիպել է լրագրողների հետ և ներկայացրել այն իրավիճակը, որն առկա է քաղաքում ապրիլի 23-ին հաջորդած օրերի ընթացքում:
Կազմակերպված օպերատիվ հետախուզական, ինչպես նաև իրավապահների կողմից իրականացված բացատրական աշխատանքների արդյունքում հայտնաբերվել և առգրավվել է զենք-զինամթերք: Դրանք ուղարկվելու են հետաքննության, որպեսզի պարզ դառնա, թե արդյոք դրանք այլ հանցագործությունների գործիքներ չեն եղել:
Այն, որ ներկա պահին Գյումրիում են հատուկ ջոկատայինները, մեկ նպատակ է հետապնդում.արագ վերջ դնել ապօրինություններին, հայտնաբերել տներում պահվող և մեծ վտանգավորություն ներկայացնող զենք-զինամթերքը:
Նա, ով զենքը ներկայացնում է ինքնակամ, պատժից ազատվում է, իսկ այն քաղաքացիները, ովքեր սահմանված 3 շաբաթյա ժամկետում չեն ներկայացնի համապատասխան մարմիններին զենքերը, ըստ ՀՀ ոստիկանապետի, պատժից չեն խուսափի, նրանց չի օգնի ոչ ծանոթ, ոչ բարեկամը, ոչ էլ որևէ բարձրաստիճան պաշտոնյա ու պատգամավոր: Ուղիղ գաղութ կգնան, այնտեղ, որտեղ իրենց տեղն է: Հանդիպման ընթացքում անդրադարձ է եղել նաև դեղատների գործունեության վերահսկման խնդրի կարգավորմանը:
«Ցայգի» փոխանցմամբ՝ Վլադիմիր Գասպարյանը նաև խոսել է ապրիլի 23-ի դեպքի պատճառ հանդիսացող կողմերի հետագա ճակատագրի և նրանց ու անձամբ իր կողմից իրականացվելիք գործողությունների մասին:
Այլ մանրամասներ տեսանյութում:
