Հունաստանում հայտնի մոդել Դիոնիսիա Կուկիուն ձերբակալվել է սպանության մեջ կասկածյալին թաքցնելու մեղադրանքով: Այս մասին երկուշաբթի օրը գրոմ է «Էթնոս» հրատարակչության կայքը:
Պատրախում ապրիլի 20-ին մի տղամարդ է սպանվել: Մամուլի տվյալներով՝ սպանվածը 2010 թ. մեղադրվում էր մի շարք հանցագործությունների մեջ, սակայն դատարանն արդարացրել էր նրան: Շաբաթ օրը ոստիկանությունը հայտարարել էր այս գործով չորս ձերբակալվածների մասին:
Պարզվել է, որ ձերբակալվածների թվում հայտնի ֆոտոմոդել Կուկիուն է՝ իր բռնցքամարտիկ ընկերոջ՝ Տասո Բերդեզիսի հետ, նրա հղի քույրը և քրոջ ամուսինը՝ Ալեքս Ֆրանգոսը, ով մեղադրվում է սպանության մեջ: Ինչպես գրում է հրատարակչությունը, սպանության պատճառը կարող է եղբոր սպանության վրեժխնդրությունը լինել: Ձերբակալվածները պնդում են, որ տեղյակ չեն եղել Ֆրանգոսի առնչությանը դեպքին:
Մոդելի փաստաբանը հայտարարել է, որ նա պատահմամբ է ներքաշվել է այս պատմության մեջ: Երեքշաբթի օրը բոլոր ձերբակալվածները պետք է ցուցմունք տան դատարանում, իսկ մինչ այդ նրանք կմնան հսկողության տակ:
Կուկիուն 2008 թ. հաղթել է գեղեցկության մրցույթում: Հետագայում նա պատրաստվում էր մասնակցել «Միսս Տիեզերք» մրցույթին, սակայն նրան Վիետնամի վիզա չեն տվել:
