Հայաստանի ուղևորատար երկաթուղային հաղորդակցությունը կընդլայնվի՝ հաղորդել է Հարավկովկասյան երկաթուղիների հասարակայնության հետ կապերի բաժնի պետ Վահե Դավթյանը:
Նրա խոսքով՝ բացի ներկայում Երևանի և Թբիլիսիի միջև գործող հաղորդակցությունից (գնացքն ուղևորվում է օրը մեջ), հունիսի 15-ից ամենօրյա ռեժիմով Երևանի բնակիչները կարող են հասնել Բաթում: Այս մասին հայտնում է argumentiru.com-ը :
«Մենք մեր ուղևորներին անում ենք նաև նման հետաքրքիր զբոսաշրջային առաջարկ. ուղևորը կարող է հասնել մինչև Բաթում, այնտեղից մենք նրանց առաջարկում ենք լաստանավով անցնել Սոչի, Օդեսա և այլ սևծովյան նավահանգիստներ»,- նշել է նա:
Վահե Դավթյանը հավելել է, որ երկաթուղին որոշակի համաձայնագրեր ունի լաստանավերի տերերի հետ: «Ուղևորը Հայաստանում տոմս գնելով՝ գնում է նաև նավով տարանցման տոմս դեպի այս կամ այն սևծովյան նավահանգիստ»,- ասել է նա:
