Այսօր Ռուսաստանի Դաշնության նախագահ Դմիտրի Մեդվեդևը զգուշացրել է ինչպես ՌԴ կառավարությանը, այնպես էլ Մերձմոսկովյան կառավարությանը, որ նրանք անձամբ կմեկնեն հրդեհաշիջման աշխատանքներին, եթե մոտ ժամանակներս հնարավոր չեղավ շտկել իրավիճակը:
«Դա կառավարության անմիջական պատասխանատվությունն է, և համարեք, որ սա վերջին զգուշացումն է այս հարցով: Անհրաժեշտ է բոլոր ընթացակարգերը ավարտել, ապա և աշխատանք սկսել և ոչ թե զեկուցել ինձ այն մասին, որ, այսինչ-այնինչ օրենքի համաձայն, այս գումարները ֆինանսների նախարարությունը հատկացրել է: Գումարներն անհրաժեշտ է օգտագործել, այլ ոչ թե սպասել, որ դրանք նստեն հաշիվներին: Եթե չհաջողեք, ապա բոլորդ կգնաք հրդեհները մարելու և՛ Մերձմոսկովյան, և՛ Ռուսաստանի կառավարությունները»,- ասել է Մեդվեդևը: Այս մասին հաղորդում է RIA-Novosti գործակալությունը:
Հիշեցնենք, որ Ռուսասատնի տարածքում նորից սկսվել են անտառային հրդեհներ, ինչը համեմատաբար չոր եղանակի և անցած տարվանից մխացող տորֆուտների պատճառով է:
