Ռուսական TASS լրատվական գործակալության փոխանցմամբ՝ G20-ի երկրների առաջնորդները վճռականություն են հայտնել մինչև 2018 թվականը հասնել 2 տոկոսով ՀՆԱ-ի հավելյալ աճի։ Այդ մասին նշված է գագաթնաժողովի ամփոփիչ հռչակագրի նախագծում, որը հայտնվել է գործակալության տրամադրության տակ։
Նախագծում նշված է, որ իրենք հավատարիմ են մնում մինչև 2018 թվականը ևս 2 տոկոսով հավաքական ՀՆԱ-ի աճին հասնելուն, ինչի մասին նախորդ տարի հայտարարվել է Բրիզբենում։
G20-ի երկրների առաջնորդներն իրենց գլխավոր առաջնահերթություն են համարել աճի ռազմավարության ժամանակին ու արդյունավետ կյանքի կոչումը, ներառյալ պահանջարկը պահպանելու միջոցները, ինչպես նաև կառուցվածքային բարեփոխումներ իրականացնելը՝ աշխատատեղեր ստեղծելու ու անհավասարությունը կրճատելու համար։
