Բրիտանացի Ալիսթեր Մոֆաթը ընկել է Գինեսի ռեկորդների գիրքը այն բանից հետո, երբ նա Brooklands վազքուղում իր Mini Cooper-ը կայանել է երկու այլ ավտոմեքենաների միջև: Մոֆաթի մեքենայի և հարևան մեքենաների միջև ընդհանուր հեռավորությունը կազմել է 34 սմ: Այդ մասին հայտնում է Guinness World Records կայքը:
Բրիտանացին հետ է վարել ավտոմեքենան մեծ արագությամբ, որից հետո կտրուկ շրջադարձ է կատարել և կայանել:
Guinness World Records-ի պաշտոնական ներկայացուցիչը տեղում չափել է ավտոմեքենաների միջև տարածությունը և հաստատել, որ Մոֆաթը մեկ սամտիմետրով բարելավել է նախորդ` 2012 թվականին սահմանված ռեկորդը:
