ՀՀ արտաքին գործերի նախարար Էդվարդ Նալբանդյանը երեկ ընդունել է Սերժ Սարգսյանի երդմնակալության առթիվ Երևան ժամանած Սլովակիայի ԱԳՆ պատվիրակությանը, որի կազմում է եղել նաև Հայաստանում, Ադրբեջանում և ՌԴ-ում Սլովակիայի Հանրապետության դեսպան Յոզեֆ Միգաշը: «Ժողովուրդը» գրում է, որ վերջինս, ի պատասխան ադրբեջանական հարցումների, հայտարարել էր, թե Սլովակիայում չկա Հայոց ցեղասպանության ժխտումը քրեականացնող օրենք:
Այնինչ Եվրոպայի հայկական միությունների ֆորումի ղեկավար Աշոտ Գրիգորյանն այդ հայտարարություններից հետո նամակ էր ուղարկել Միգաշին՝ կից ներկայացնելով Սլովակիայի օրենսդրությունը, մասնավորապես՝ քր.օր. 424ա հոդվածը: Ավելին, Հայոց ցեղասպանության շուրջ Սլովակիայում 2004թ. ընդունվել է թիվ 1334 բանաձևը: Իսկ ահա ՀՀ ԱԳՆ-ն բացարձակապես անուշադրության է մատնել այդ փաստը, որևէ անդրադարձ չի կատարել: Մինչդեռ ԱԳՆ-ին տարեկան 10 մլրդ 620 մլն դրամ է հատկացվում պետական բյուջեից, որի մեծ մասն ուղղվում է հենց դեսպանատներին:
