Չինաստանի համալսարանի պրոֆեսոր Չժեցզյան Սե Ցզոշին երկրով մեկ թեժ քննարկումներ է առաջացրել, երբ երկրում լուրջ գենդերային անհավասարակշռությունը ուղղելու նպատակով աղքատ տղամարդկանց առաջարկել է կիսվել իրենց կանանցով, հայտնում է korrespondent.net-ը:
Չինաստանում 100 աղջկան ընկնում է 118 տղա: Դրան է հանգեցրել երկրի «Մեկ ընտանիք, մեկ երեխա» քաղաքականությունը, ինչի հետևանքով ընտանիքների մեծ մասը երկար տարիներ ի վեր նախընտրում է տղայի:
Չինական քաղաքների հարստացման հետևանքով ավելի շատ կանայք են տեղափոխվում մեգապոլիսներ` խորացնելով գյուղում գենդերային ճեղքվածքը: Հարյուրավոր հասարակական գործիչներ և սոցցանցերի օգտատերեր մեղադրել են պրոֆեսոր Սեին նրա առաջարկության անբարոյականության և անօրինականության համար:
Միաժամանակ Սեն պնդում է, որ 2020 թվականին Չինաստանում կլինեն 30-40 միլիոն ամուրիներ: Նրա խոսքով` աղքատ ամուրիները կարող են հաջողությամբ ամուսնանալ հարավարևելյան Ասիայի և Աֆրիկայի տնտեսապես անկայուն երկրների ներգաղթյալ կանանց հետ:
Ներկայումս չինական գյուղերի շատ տղամարդիկ ամուսնանում են Բիրմայի և Վիետնամի աղջիկների հետ: