Մարգարետ Թետչերը երբեք չի վախեցել մարտի մեջ մտնել թե՛ ֆեմինիստների, թե՛ իռլանդացի հանրապետականների, թե՛ արգենտինացիների հետ, սակայն նրա առավել ամուր ժառանգությունը խաղաղության հաստատումն է՝ գրում է The Chicago Tribune-ը: Թետչերն «առանցքային դերերից մեկն է խաղացել սառը պատերազմը դադարեցնելու գործում»:
Թետչերը և Ռոնալդ Ռեյգանը գիտակցեցին՝ Միխաիլ Գորբաչովի փառաբանումը արմատական փոփոխություններ է կրում: Ե՛վ Թետչերը, և՛ Ռեյգանն ատում էին կոմունիստական գաղափարախոսությունը և կողմ էին միջուկային ուժերի զսպվածության ուժեղացմանը՝ որպես հակակշիռ ԽՍՀՄ սպառազինման: Սակայն երբ եկավ պատմություն կերտելու ժամանակը, Թետչերը, ինչպես և Ռեյգանը, ռիսկի դիմեց:
«Շնորհիվ այն բանի, որ այս կինը որոշիչ ժամին վստահ կերպով ստանձնեց առաջնորդելու բեռը, մենք այսօր ապրում ենք ավելի անվտանգ աշխարհում»,- գրում է թերթը:
Պարբերականը հիշեցնում է, թե ինչպես հայտնվեց «երկաթե լեդի» մականունը խորհրդային թերթերից մեկի հոդվածում՝ այն բանից հետո, երբ Թետչերը հայտարարեց, որ ԽՍՀՄ-ը ձգտում է համաշխարհային առաջատարի դիրքերի՝ շահագործելով սեփական ժողովրդին:
Անդրադառնալով վարչապետի պաշտոնում Թետչերի գործունեությանը՝ թերթը գրում է, որ երկիրը գտնվել է ավերակների մեջ, և միայն Թետչերը կամքի ուժ ցուվաբերեց բարեփոխելու տնտեսությունը՝ շնորհիվ սեփականաշնորհման, ազատականացման:
Թետչերը նկատեց, որ Գորբաչովն ավտոկրատ չէ, և հայտարարեց, որ Արևմուտքը կարող է գործ ունենալ նրա հետ: Ռեյգանի հետ միասին նա օգնեց խորհրդային դարաշրջանն ավարտել առանց բռնության՝ գրում է թերթը:
Պատմությունը կհիշի, թե ինչպես Թետչերն օգնեց վերացնել արևմտյան լիբերալիզմի համար շուրջ կես դար շարունակվող կոմունիզմի վտանգը՝ հավելում է պարբերականը:
