Թուրինի «Յուվենթուս»-ի և Իտալիայի ազգային հավաքականի նախկին դարպասապահ Դինո Ձոֆը կարծում է, որ Անտոնիո Կոնտեի սաները կարող են դուրս գալ Չեմպիոնների Լիգայի գավաթի խաղարկության կիսաեզրափակիչ:
Հիշեցնենք, որ քառորդ եզրափակիչի առաջին խաղում իտալական ակումբը Մյունխենի «Բավարիա»-ին զիջեց 2:0 հաշվով:
«Կիսաեզրափակիչ դուրս գալու հարցը դեռ բաց է: Առաջին խաղի արդյունքը «Յուվենթուս»-ի օգտին չէ, բայց այս թիմը բազմիցս ապացուցել է, որ կարող է անկրկնելի խաղ ցուցադրել: «Յուվե»-ի համար բարդ է լինելու, բայց ես վստահ եմ, որ թիմը հաղթելու է և դուրս է գալու կիսաեզրափակիչ»,- հայտարարել է Ձոֆը:
