Միջուկային տեխնոլոգիաների կիրառումը կօգնի բազմաթիվ հիվանդությունների բուժմանը։ Այս մասին այսօր ասել է Իրանի նախագահ Մահմուդ Ահմադինեժադը՝ ելույթ ունենալով Միջուկային տեխնոլոգիաների ազգային օրվա առթիվ կազմակերպված միջոցառմանը:
«Միջուկային տեխնոլոգիաները կարող են շատ օգտակար լինեն հիվանդությունների կոնկրետ տեսակների բուժման մեջ, եթե դրանք օգտագործվեն պատշաճ կերպով և ժամանակին»,-ասել է նախագահը:
Ահմադինեժադի խոսքերով՝ միջուկային տեխնոլոգիաները կարող են կիրառվել բազմաթիվ ոլորտներում, այդ թվում՝ գյուղատնտեսության, մեքենաշինության, առողջապահության և այլն:Այս մասին հայտնում է Trend գործակալությունը:
«Մենք կիրառում ենք միջուկային տեխնոլոգիաները նավթավերամշակման արդյունաբերությունում, ինչը մեծ օգուտ է բերում: Ես սպասում եմ, որ Ատոմային էներգիայի գործակալության աշխաակցիները կշարունակեն միջուկային տեխնոլոգիաների կիրառումը, ինչը կօգտնի բարելավել մարդկանց կյանքը»,- ասել է նախագահը:
Միջուկային տեխնոլոգիաների ազգային օրվա տոնակատարությունների շրջանակում բացվել են ուրանի արդյունահանման «Սագանդե» համալիրն ու ուրանի օքսիդի արտադրության «Ռեզայի Նեժադ» համալիրը:
Ահմադինժեադը նշել է, որ Իրանում արդեն միջուկային տեխնոլոգիաների ոլորտի սեփական մասնագետներ կան:
«Նախկինում մենք այդ հարցում կախված էինք այլ երկրներից: Միջուկային ոլորտը հանդիսանում է քաղաքականապես մենաշնորհված որոշ երկրների կողմից, միջուկային էներգետիկայի սկզբունքը նույնպես մենաշնորհված է»,- ասել է նա:
Ահմադինեժադն ընդգծել է, որ ներկայում Իրանում բոլոր միջուկային աշխատանքները գտնվում են երկրի մասնագետների լիարժեք վերահսկողության ներքո:
«Մենք սկսել ենք զրոյից, և քայլ առ քայլ առաջ ենք շարժվոմ: Ես շնորհավորում եմ երկրի ատոմային ոլորտի աշխատողներին»,- ասել է Իրանի նախագահը:
