Հայաստանի առևտրաարդյունաբերական պալատը այսուհետ կօգնի ՀՀ քաղաքացիներին online ռեժիմով ռուսերենի քննություն հանձնել և ՌԴ-ում աշխատելու թույլտվություն ստանալ։ «Համաշխարհային տնտեսության անկայունության պայմաններում ԱՊՀ անդամ երկրների առևտրաարդյունաբերական պալատների փոխգործակցության ուժեղացում» թեմայով քննարկման նպատակով Հայաստան են ժամանել ԱՊՀ անդամ երկրների առևտրաարդյունաբերական պալատների ղեկավարները, որի ժամանակ էլ որոշում է կայացվել նման գործառույթ ընձեռել ԱՊՀ առևտրաարդյունաբերական պալատներին։
«Մեր քաղաքացիներն այսուհետ ոչ թե կգնան Ռուսաստանում կհանձնեն քննությունները, այլ մեր պալատը որպես կամուրջ կհանդիսանա, որ այստեղից կարողանան այդ թեսթավորումը հանձնել և ստանալ սերտիֆիկատ, որը իրենց հնարավորություն կտա աշխատելու ՌԴ-ում».-ասաց ՀՀ առևտրաարդյունաբերական պալատի նախագահ Մարտին Սարգսյանը։
Մեր դիտարկմանը, թե ասել է թե՝ առևտրաարդյունաբերական պալատը կամուրջ է հանդիսանալու արտագաղթի համար, Մարտին Սարգսյանն այս պատասխանը տվեց. «Ո՛չ, ամեն քաղաքացի իրավունք ունի իր ցանկությամբ աշխատել որևէ տեղ, որը նորմալ է։ Դա վերաբերում է ոչ միայն քաղաքացիներին, այլև բիզնեսին»։
Մանրամասները դիտեք տեսանյութում։
