Մարտի վերջին կայացած World Whisky Awards միջոցառման ժամանակ 1970 թվականի արտադրության շոտլանդական Glenrothes Extraordinary Single Cask-ին հանձնվել է դիզայնի բարձրագույն պարգև: Այս մասին հայտնում է Korrespondent.net-ը:
Սկզբում այն հաղթել է «սահմանափակ թողարկման լավագույն դիզայն» ենթակատեգորիայում, այնուհետև հաղթել է «Աշխարհում լավագույն դիզայն» գլխավոր անվանակարգում:
Glenrothes Extraordinary Cask 1970-ի շշի և փաթեթավորման համար կիրառվել է ապակի, արույր, կաշի և փայտ:
Յուրաքանչյուր շիշ ունի ներկայացման համար սեփական հենակ՝ պատրաստված շոտլանդական կաղնուց:
Glenrothes ապրանքանիշի ներքո վիսկի արտադրող Berry Bros. & Rudd ընկերությունը այժմ ավելի շատ հիմք ունի հպարտանալու 1970 թվականի հուլիսի 6-ին պատրաստված վիսկիի մեկ տակառից խմիչքի սահմանափակ հավաքածուով: Ապրիլի 2-ին տակառի շշալցումից ստացվել է 40.6 տոկոս խտությամբ 179 շիշ վիսկի:
