Տարածաշրջանային հետազոտությունների կենտրոնի տնօրեն, քաղաքագետ Ռիչարդ Կիրակոսյանը «Առաջին լրատվականի» հետ զրույցում, անդրադառնալով Սերժ Սարգսյանի 2008 թ. Մարտի 1-ի գործով ընթացող քննությանը նոր թափ և ակտիվություն հաղորդելու հանձնարարականին, նկատեց, որ այդ հետաքննությունը պետք է իրականացնի օբյեկտիվ և անկողմնակալ մարմինը:
Ըստ Կիրակոսյանի` այդ ամենի մասին հրապարակավ խոսելով, Սերժ Սարգսյանը հասարակության մեջ մեծ սպասումներ առաջացրեց. «Սակայն մի բան հաստատ է. որպեսզի հետաքննությունը իսկապես օբյեկտիվ լինի, դրանցում պետք է ներառվեն անգամ այն մանրամասները, որոնք մինչ այս հաշվի չեն առնվել»:
Քաղաքագետի խոսքերով, հետաքրքրական է այն հանգամանքը, որ Սերժ Սարգսյանը արդարացնում է եղած սպասելիքները և պահանջելով Մարտի 1-ի դեպքերի հետաքննություն կատարել` փաստորեն կատարում է Լևոն Տեր-Պետրոսյանի հիմնական պահանջներից մեկը: