Վերջին 34 տարում առաջին անգամ շաբաթ օրը ուղևորատար օդանավը Կահիրեից ուղևորվել է Թեհրան: Այս մասին հայտնում է umma.ua-ն՝ հղում անելով Կահիրեի միջազգային օդանավակայանի տնօրինությանը:
Air Memphis ավիաընկերության այդ չվերթով վերսկսվել է Իրանի և Եգիպտոսի միջև կանոնավոր հաղորդակցությունը, որը դադարեցվել էր 1979 թ. դիվանագիտական հարաբերությունների խզումից հետո: Թեհրանից եգիպտական մի քանի քաղաքներ կհաստատվեն մի քանի երթուղիներ, որոնց միջոցով իրանցի զբոսաշրջիկները կկարողանան այցելել եգիպտական քաղաքներ:
Իրանցիների կողմից Եգպտոսի զբոսաշրջային գոտիներ այցի մասին պայմանավորվածությունը ձեռք է բերվել Եգիպտոսի զբոսաշրջության նախարար Հաշամ Զաաուզի՝ Թեհրան կատարած այցի ընթացքում: Իրանցի զբոսաշրջիկներին չի թույլատրվի Կահիրե այցելել: Նրանք կարող են տեսնել միայն Եգիպտոսի հարավի տեսարժան վայրերն ու հանգստանալ Կարմիր ծովի ափին:
Նման սահմանափակումների ներմուծումը կապված է այն բանի հետ, որ Եգիպտոսի իշխանությունները վախենում են հնարավոր լարվածությունից, որը կարող է ծագել շիայական Իրանի զբոսաշրջիկների և եգիպտացիների միջև, որոնց մեծամասնությունը սունիներ են: