Վենեսուելայում դատարանը «Ժողովրդական կամք» շարժման առաջնորդ, ընդդիմադիր Լեոպոլդո Լոպեսին դատապարտել է 13 տարի 9 ամսվա ազատազրկման: Այս մասին հայտնում է BBC-ի ռուսական ծառայությունը:
Լոպեսը մեղավոր է ճանաչվել 2014թ. սկզբին բողոքի զանգվածային ակցիաների ժամանակ, որոնց առաջնորդը ինքն է եղել, բռնության դրդելու համար:
Ընդդիմադիրի պաշտպանական կողմը դատարանին արդեն մեղադրել է վարույթի ընթացքում խախտումների մեջ: Փաստաբանի խոսքով՝ դատավորը լսել է մեղադրող կողմի 138 վկայի և պաշտպանության միայն 1 վկայի՝ չնայած պատրաստ է եղել ցուցմունք տալ 50 մարդ:
Լեոպոլդո Լոպեսը կալանքի տակ է անցած տարվա փետրվարի կեսից՝ անցած տարի Նիկոլաս Մադուրոյի սոցիալիստական կառավարության դեմ բողոքի զանգվածայիյն ակցիաներում նրա դերի հետ կապված մեղադրանքներով: Մայիսին նա հացադուլ է հայտարարել՝ պահանջելով ազատ արձակել քաղբանտարկյալներին:
Դեկտեմբերի 6-ին Վենեսուելայում կանցկացվեն խորհրդարանական ընտրություններ: Որոշ հարցումների տվյալներով՝ վերջերս ընդդիմության հաջողության հնարավորությունները զգալիորեն աճել են՝ հաշվի առնելով երկրում բարդ տնտեսական վիճակը: