Աշխարհի երրորդ ռակետ, բրիտանացի Էնդի Մարեյը հաջող է մեկնարկել Մայամիի մրցաշարում: Երկրորդ շրջանում 25-ամյա բրիտանացին 6:3, 6:1 հաշվով առավելության հասավ աշխարհի 45-րդ ռակետ, 20-ամյա ավստրալացի Բերնարդ Տոմիչի նկատմամբ:
Խաղը տևել է 56 րոպե, որի ընթացքում Մարեյը կատարել է 4 բրեյք և 8 էյս: Մարեյի և Տոմիչի անձնական մրցակցությունների հաշիվը 2:0 է` հօգուտ բրիտանացի թենիսիստի: Մրցաշարի երրորդ շրջանում Մարեյը կմրցակցի Դիմիտրով-Բոլելլի դիմակայության հաղթողի հետ:
Աշխարհի 8-րդ ռակետ, ֆրանսիացի Ժո-Վիլֆրիդ Ցոնգան նույնպես հաջող է մեկնարկ է գրանցել Մայամիի մրցաշարում: 27-ամյա թենիսիստն առավելության է աշխարհի 44-րդ ռակետ, սերբ Վիկտոր Տրոիցկու նկատմամբ` 7:6, 6:3 հաշվով:
Դիմակայությունը տևել է 1 ժամ և 37 րոպե: Մրցաշարի երրորդ շրջանում Ժո-Վիլֆրիդ Ցոնգան կմրցակցի Մարտին Կլիժան- Յարկո Նիեմինեն դիմակայության հաղթողի հետ:
