Երկրաշարժ՝ Ադրբեջանում

Ադրբեջանում 5․1 մագնիտուդով երկրաշարժ է գրանցվել։  Ստորգետնյա ցնցումները զգացվել են մի քանի շրջաններում։ Երկրաշարժերի հետազոտման բյուրոյի տվյալներով՝ երկրաշարժը գրանցվել է Գաբալայի (Կաբալա) շրջանում՝ Գաբալա կայարանից 11 կմ դեպի հարավ-արևմուտք։

Էպիկենտրոնում և էպիկենտրոնին մոտ գտնվող բնակավայրերում երկրաշարժը զգացվել է 3-ից մինչև 5 բալ ուժգնությամբ։

Տուժածների մասին տեղեկություններ չկան։