Մադրիդի «Ռեալ»-ի գլխավոր մարզիչ Ժոզե Մոուրինյոն աջակցության խոսքեր է հասցեագրել Գորան Պանդևին, ով, հիշեցնենք, հայտարարել էր, որ ՖԻՖԱ-ն կեղծել է 2012 թվականի լավագույն մարզչի քվեարկության արդյունքները:
«Նպատակս միայն այն է, որ մարդիկ հասկանան,թե ինչու ես չմեկնեցի Ցյուրիխ: Ինձ ասել էին, որ քվեարկության ընթացքում ինչ-որ մութ գործեր են կատարվել, և այժմ մենք ապացույցներ ունենք: Հնարավոր է, ես ցանկացած դեպքում չհաղթեի, բայց խնդիրը դրանում չէ:
Ցանկանում եմ շնորհակալություն հայտնել Պանդևին: Նա քաջություն ունեցավ զանգահարել ինձ և զգուշացնել: Ես շնորհակալ եմ նրան` ազնվության և արիության համար, քանի որ ինձ զգուշացնողներից շատերը ցանկացան չհրապարակել իրենց անունները: Ես չեմ քննադատում նրանց, սակայն Պանդևի համար, վստահ եմ, բարդ էր հրապարակային ելույթ ունենալ»,- Football Italia-ն մեջբերում է Մոուրինյոյի խոսքերը:
