Մեծ Բրիտանիայում եղանակային բարդ պայմանների հետևանքով, որը ջեռուցման համակարգերի խափանումներ է առաջացրել, փակվել է ավելի քան 400 դպրոց:
Ինչպես նշում են բրիտանացի հիդրոօթերևութաբանները, վերջին 50 տարվա ընթացքում այս տարվա մարտը կարող է դառնալ ամենացուրտը:
Մինչ երկրի հարավ-արևմուտքը վնասներ է կրում ջրհեղեղների հետևանքով, երկրի հյուսիսային շրջաններում ձյան առատ տեղումներ են, որոնք, ըստ հիդրոօթերևութաբանների, կվերածվեն հորդառատ անձրևների:
Կոմունալ ծառայությունները բերված են բարձր պատրաստվածության, կառավարությունը կոչով դիմել է բնակիչներին՝ ուշադիր լինել ճանապարհներին և սահմանափակել անձնական փոխադրամիջոցներով ուղևորությունների թիվը:
Շրջակա միջավայրի պաշտպանության գործակալությունը նախազգուշացում է տարածել, որ երկրի հարավ-արևմուտքում սպասվում են նոր ջրհեղեղներ:
Ինչպես հաղորդում են բրիտանական ԶԼՄ-ները, Մեծ Բրիտանիան հայտնվել է էներգետիկ ծանր ճգնաժամի առաջ, քանի որ պահեստարաններում կարող է գազի պակաս զգացվել: Կառավարությունը, սակայն, հերքել է այս տեղեկությունը՝ հավաստիացնելով, որ գազը կբավականացնի, հայտնում է ITAR-TASS-ը:
