Այսօր՝ ժամը 17-ին, Ազատության հրապարակում քաղաքացիական խորհուրդը կշարունակեն «Ժառանգություն» կուսակցությունից Արմեն Մարտիրոսյանը և Դավիթ Սանասարյանը, ովքեր կներկայացնեն իրենց մոտեցումները հետագա անելիքների վերաբերյալ: Րաֆֆի Հովհաննիսյանը նաև հիշեցրեց, որ վաղը՝ ժամը 18:00-ին, հաղթահավաքն է Ազատության հրապարակում, իսկ շաբաթ օրը՝ ժամը 17.00-ին, տեղի կունենա համերգ:
Նա նաև ասաց, որ քիչ հետո Հովսեփ Խորշուդյանը կընթերցի Երևանի ավագանու ընտրություններին «Ժառանգություն» կուսակցության ցուցակը:
«Հովսեփը կընթերցի, և դուք կիմանաք՝ ով է լինելու Երևանի քաղաքի հաջորդ քաղաքապետը: Ես կարևորում եմ ցանկացած ընտրություն: Մասնակցությամբ, հանրային քվեով է, որ հասել ենք այս զարթոնքին և պայքարի այս հանգրվանին ու մեր հաղթանակին: Մենք փոխելու ենք իրականությունը, բայց այդ փոփոխությունը պետք է տանենք տրամաբանական ավարտ»,-ասաց Րաֆֆի Հովհաննիսյանը՝ հավելելով՝ գյուղ առ գյուղ սահմանադրության երկրորդ հոդվածը պետք է բանեցնեն իշխանության վրա:
Նա հայտարարեց, որ անձամբ չի մասնակցելու քաղաքապետարանի ընտրություններին, քանի որ ունի այլ պարտականություն ժողովրդի նկատմամբ և պատրաստ է այդ պատասխանատվությունն իրացնել մինչև վերջ:
Նա նշեց, որ իրենք հերթական անգամ «Ժառանգության» դրոշը խոնարհելով՝ փորձել են ի մի բերել հասարակական քաղաքական լայն դաշտը:
«Ցավոք սրտի, կան կուսակցություններ, որոնք որոշեցին անձամբ մասնակցել, փետրվարի 18-ին ՀՀ մանրակերտը փոխվեց և հաղթեց շարքային քաղաքացին, իսկ սրանից հետո կուսակցությունները պետք է սպասարկեն քաղաքացու շահը, լավ կլիներ լիներ լայն մասշտաբով, բայց «Ժառանգությունը» մնացել է հավատարիմ իր սկզբունքին, հավատարիմ իր քաղաքացուն»,-ասաց Րաֆֆի Հովհաննիսյանը՝ խոնարհելով է կուսակցության դրոշը:
Նա ասաց, որ վաղը՝ հանրահավաքին, իր ելույթից բացի, արդեն բաց հրապարակային մեթոդաբանությամբ կներկայացնի իր և մեր ժողովրդի զգալի մեծամասնության վերջին առաջարկը Սերժ Սարգսյանին: Բացի այդ, հանրահավաքին ելույթ կունենան տարբեր հասարակական ուժերի ներկայացուցիչներ, բայց քիչ կուսակցականներ կլինի վաղը, իսկ հաջորդ ուրբաթ կվերադառնան քաղաքական ելույթներին:
