ԱՄՆ Կոլորադո նահանգում սպանվել է ուղղիչ հաստատությունների տարածքային կառավարման ղեկավար Թոմ Կլեմենտսը: Նա ինքն է դուռը բացել զանգը տված մարդասպանի առջև, տեղեկացնում է Associated Press-ը:
Շերիֆի օգնական Ջեֆ Քրեմերի խոսքերով՝ դեպքը պատահել է երեքշաբթի երեկոյան՝ Մոնյումենթ քաղաքում: Ոստիկանությանը զանգահարել է Կլեմենտսի ընտանիքի անդամներից մեկը և տեղեկացրել հրաձգության մասին:
Դեպքի վայր ժամանած ոստիկանները Կլեմենտսին մահացած են հայտնաբերել: Մադասպանի հետքերով շներ են բաց թողնվել: Հարցաքննում են հարևաններին:
58-ամյա Կլեմենտսն ուղղիչ համակարգի ղեկավարի պաշտոնում նշանակվել է 2011 թ.։ Այս մասին տեղեկացնում է CBS-ը: Դրանից առաջ նա 31 տարի աշխատել էր Միսսուրի նահանգի նմանատիպ հաստատությունում:
