Չինական Huawei ընկերության արտադրանքը «Լավագույն եվրոպական սմարթֆոն օգտագործողների համար» անվանակարգում արդեն դարձել է Պատկերի և ձայնի եվրոպական ասոցիացիայի (EISA) մրցանակակիրը: Անցյալ տարի այդ մրցանակը ստացել էր ընկերության Ascend P7 մոդելը, իսկ նախանցյալ տարի` Ascend P6-ը: Ութմիջուկային HiSilicon Kirin 930 չիպով Huawei P8-ը կարողացել է կրկնել իր երկու նախորդների հաջողությունը՝ դառնալով այս տարվա նշված տիտղոսի հաղթողը:
Կորեացիները նույնպես առանց մրցանակի չեն մնացել` Samsung Galaxy S6 Edge-ը՝ իր էկրանով և հզոր Exynos 7420 պրոցեսորով, նշվել է որպես «լավագույն առաջադեմ սմարթֆոն 2015–2016»: Իսկ LG G4-ը արժանացել է լավագուն տեսախցիկ ունեցողի կոչմանը: Լավագույն մուլտիմեդիական սմարթֆոն EISA-ն ճանաչել է Sony Xperia Z3+-ին:
