ԱՄՆ Նևադա նահանգի ռազմաբազայում պայթյուն է տեղի ունեցել, ինչի հետևանքով զոհվել է 7 զինծառայող: Այս մասին հաղորդում է Reuters-ը՝ վկայակոչելով հրամանատարության ներկայացուցիչ Կենդրու Մոցին:
Մոցի խոսքով՝ պայթյունը տեղի է ունեցել «Հոութորն» բազայի զինամթերքների պահեստում ԱՄՆ Ծովային հետևակի կորպուսի զորավարժությունների ժամանակ:
Դեպքի վայրում աշխատում են զինվորականներն ու փրկարարները:
Անապատում տեղակայված «Հոութորն» բազան աշխարհի ամենամեծ զինամթերքի պահեստներից է: Բազայի պահեստները ձգվում են մոտ 600 քառ. կմ տարածության վրա: