Wikileaks-ին տեղեկություններ հաղորդող Չելսի Մենինգին, ով դատապարտված է 35 տարվա բանտարկությամբ գաղտնի տվյալների հրապարակման համար, ռեժիմի խախտման համար սպառնում է բանտային պայմանների խստացում, հայտնում է The Guardian-ը:
Ենթադրաբար, Մենինգի բանտախցում, ով մինչև սեռը փոխելը ծառայել է ԱՄՆ-ի բանակում, գտել են ժամկետանց ատամի մածուկի տուփ, (որը արգելված է պահել), Vanity Fair և Cosmopolitan ամսագրեր և Նոբելյան մրցանակակիր Մալալա Յուսուֆզայի ինքնակենսագրությունը: Դրանից բացի, նրա մոտից առգրավել են խոշտանումների վերաբերյալ Սենատի զեկույցը:
Բացի այդ, նրան մեղադրում են նաև բանտի աշխատողների նկատմամբ անհարգալից վերաբերմունքի մեջ:
Մենինգի դատապաշտպանը հայտարարել է, որ բոլոր մեղադրանքները անհիմն են:
Այդ խախտումների համար նրան առավելագույնը սպառնում է մենախուց:
Բրեդլի Մենինգին ձերբակալել են 2010 թվականին, այն բանից հետո, երբ Wikileaks կայքը հրապարակեց Իրաքում 2007 թվականին ամերիկացի զինվորական ուղղաթիռից երկու լրագրողներին կրակելու գաղտնի տեսագրությունը: Նա Wikileaks-ի միջոցով նաև հսկայական քանակությամբ ամերիկյան գաղտնի փաստաթղթեր է տարածել:
