Ֆոտոլրտեսներն առաջին անգամ տեսել են Mazda CX-9 նոր սերնդի լիաչափ քրոսովերի նախատիպը: Սերիական մոդելը կլինի միայն մեկուկես տարի հետո, բայց այդ թեմայով առաջին նախատիպը Mazda-ն կարող է ներկայացնել արդեն նոյեմբերին Լոս Անջելեսում ցուցահանդեսի ժամանակ: Այս մասին հայտնում է Leftlane News պարբերականը:
Նախատիպը լավ ծածկված է կամուֆլյաժով, բայց ուրվագծերը բավականաչափ լավ են երևում հասկանալու համար, որ Mazda CX-9-ին հիմնավոր կերպարանափոխություն է սպասվում: Սերնդափոխության հետ մեծ քրոսովերը կունենա Mazda-ի ներկայիս KODO ոճը, մեծ հաշվով՝ կդառնա CX-5 մոդելի լիաչափ կրկնօրինակը:
Լրջորեն կփոխվի նաև քրոսովերի շարժիչային գամման: Ներկայիս մթնոլորտային V6-ը, պարբերականի տեղեկությամբ, տեղը կզիջի քառագլան տուրբոշարժիչին: Քրոսովերի հեղինակները խոստանում են, որ մոդելի սիրահարները ոչինչ չեն կորցնի ո՛չ հզորության, ո՛չ դինամիկայի հարցում, զգալիորեն կշահեն տնտեսելու առումով:
