Գերմանիայի կառավարությունը օրինագիծ է պատրաստել, որը չցանկալի երեխա կրող կանանց թույլ է տալիս ծննդատուն դիմել կեղծ անունով, հաղորդում է BBC-ն:
Փաստաթղթի նպատակն է կրճատել հիվանդանոցներից դուրս վտանգավոր ծննդաբերությունների թիվը և այլընտրանք տրամադրել այն մայրերին, որոնք իրենց նորածին երեխաներին տալիս են օտար մարդկանց: Օրինագծի համաձայն՝ երեխան, որից մայրը հրաժարվել է, վերջինիս անունը կարող է իմանալ 16 տարեկան դառնալուց հետո:
Վերջին տարիներին եվրոպական բոլոր քաղաքներում մեծանում է լքված երեխաների թիվը:
Իրավապաշտպանների կարծիքով՝ գոյություն ունեցող փորձը, որի համաձայն ծննդաբերող կինը պետք է ներկայացնի անձը հաստատող փաստաթուղթ, կանանց դրդում է ծննդաբերել գաղտնի՝ տանը կամ ընդհատակյա հիվանդանոցներում: Նման կերպ ծնված երեխաները զրկվում են երբևէ իրենց ծագման մասին իմանալու հնարավորությունից:
Պաշտոնական վիճակագրության համաձայն՝ 1999-2010թթ. ընկած ժամանակահատվածում Գերմանիայում գտնվել է շուրջ 1000 լքված երեխա:
Գերմանիայի ընտանիքի հարցերով նախարար Կրիշտինա Շրյոդերը հույս է հայտնել, որ օրինագիծը կօգնի լուծել լքված երեխաների խնդիրը:
Եթե խորհրդարանը հաստատի փաստաթութղը, այն ուժի մեջ կմտնի 2014թ. մայիսին:
