Արթուր Աբրահամը համոզված է, որ Կալիֆոռնիայի բազմամարդ հայկական համայնքը կոօգնի իրեն հաղթանակ տոնել մայիսի 14-ին կայանալիք Super Six մրցաշարի կիսեզրափակիչ մենամարտում, որտեղ նրա մրցակիցը կլինի անպարտելի Անդրե Ուորդը:
«Վերադառնալով ԱՄՆ` ես պատրաստվում եմ մեծ հաղթանակ տոնել: Լոս Անջելեսում ահռելի հայկական համայնք կա, և ես պարտավոր եմ իմ երկրպագուների համար գերազանց մարտ անցկացնել: Նրանց աջակցությունը լավագույն օգնությունն է ինձ համար, այն ինձ լրացուցիչ մոտիվացիա կհաղորդի: Ուորդն ուժեղ մարզիկ է, սակայն հայրենակիցներիս աջակցությամբ ես կհաղթեմ նրան»,- Աբրահամի խոսքերն է մեջբերում boxingscene-ը:
