Լոնդոնի «Չելսի»-ի գլխավոր մարզիչ Ժոզե Մոուրինյոն մեկնաբանել է թիմի հաղթանակը ՊՍԺ-ի նկատմամբ: Մասնագետը նշել է, որ փարիզյան ակումբն ավելի լավ խաղ ցուցադրեց: Մոուրինյոն նշել է նաև, որ ԱՄՆ-ում այլևս նախկինի պես հանգիստ չէ զգում իրեն:
«Վերջին 11 տարիների ընթացքում ԱՄՆ եմ գալիս յուրաքանչյուր տարի: 10 առաջ սաներիս հետ հանգիստ քայլում էինք փողոցով և մեզ ոչ ոք չէր անհանգստացնում: Կարծես դրախտում լինեինք: Այժմ ամեն ինչ այլ է:
Ինչ վերաբերում է խաղին, ապա պետք է ասեմ, որ փարիզցիներն ավելի լավ խաղ ցուցադրեցին: Այդ թիմի կազմում գերազանց ֆուտբոլիստներ են ընդգրկված: ՊՍԺ-ի պաշտպանն այնպես էր խաղում, կարծես սա ոչ թե ընկերական հանդիպում լիներ, այլ ինչ-որ կարևոր խաղ: Սակայն սարսափելի ոչինչ չկա: Ես հասկանում եմ՝ սա ֆուտբոլ է»-NBC-ն մեջբերում է Մոուրինյոյի խոսքերը:
