Լոնդոնի «Չելսի»-ն որոշում է կայացրել թիմի 5 երկրպագուների «Սթեմֆորդ Բրիջ» այցելելու հնարավորությունից ցմահ զրկելու մասին: Պատճառը Չեմպիոնների լիգայի գավաթի խաղարկության ՊՍԺ-ի դեմ հանդիպումից առաջ տեղի ունեցած միջադեպն է: Այն կայացել է 2015 թվականի փետրվարի 17-ին:
«Այդ մարդկանց վարքն անթույլատրելի էր և մեծ վնաս էր հասցնում ակումբի արժեքներին: Այն հակասում էր վարքի կանոններին, որ ակումբն ակնկալում է տեսնել իր երկրպագուների կողմից, ովքեր այցելում են «Չելսի»-ի խաղերը»,- գրված է լոնդոնյան ակումբի պաշտոնական կայքում տեղադրված հայտարարության մեջ:
Հիշեցնենք՝ միջադեպը տեղի էր ունեցել Լոնդոնի մետրոյում, որտեղ «Չելսի»-ի 5 երկրպագուները դուրս են շպրտել սևամորթ ֆրանսիացու՝ վանկարկելով «Մենք ռասիստներ ենք և դա մեզ դուր է գալիս» արտահայտությունը:
