Facebook ընկերությունը զբաղված է սեփական վիրտուալ օգնականի մշակմամբ, որը հայտնի է Moneypenny աշխատանքային անունով` ի պատիվ Ջեյմս Բոնդի մասին ֆիլմի հերոսուհի միսս Մանիպենիի: Յան Ֆլեմանի գրքերում այդ կերպարին վստահված են գաղտնի ծառայության շատ տվյալներ: Հենց այդպիսի նոր ֆունկցիա էլ մտածել է Facebook-ը:
Ինչպես գրում է The Information պարբերականը, վիրտուալ «կոնսյերժը» կաշխատի Messenger-ի ներսում տեսանյութեր և հաղորդագրություններ փոխանակելու համար: Սակայն ի տարբերություն iPhone-ում Siri-ի, Android-ում Google Now-ի, որոնք կենտրոնացված են արդյունավետության բարձրացման վրա, Moneypenny-ին կոչված է կատարելու օգտվողի տարբեր հանձնարարությունները` օգնելով նրան փնտրել, ընտրել և պատվիրել ապրանքներ և ծառայություններ համացանցում:
Աշխարհում Messenger-ից ամսական օգտվում է ավելի քան 700 միլիոն մարդ: Facebook-ը այն դարձրել է ավելին, քան պարզապես չաթը: Վերջին կես տարվա ընթացքում ընկերությունը մարդկանց թույլ է տվել շփվել նրա միջոցով, ովքեր չունեն հաշիվներ սոցցանցում: Այնտեղ ավելացրել է դրամական փոխանցումները, ինչպես նաև տեսազանգեր՝ որպես լրացում ձայնային զանգերի:
