ՆԱՏՕ-ն կպահպանի ռազմական ներկայությունը Աֆղանստանում՝ ներկայիս «Վճռական աջակցություն» առաքելության ավարտից հետո. ռազմական բաղադրիչը կընդգրկվի ապագա առաքելության կազմում քաղաքացիական ղեկավարության ներքո: RIA Novosti-ի հաղորդմամբ՝ այս մասին հայտարարել է ՆԱՏՕ-ի գլխավոր քարտուղար Յենս Սթոլթենբերգը:
«Մենք որոշել ենք, որ երբ ավարտենք «Վճռական աջակցություն» առաքելությունը, կանցնենք նոր տիպի համագործակցության, ինչը մենք անվանում ենք շարունակական համագործակցություն: Դա կլինի առաքելություն՝ քաղաքացիական ղեկավարության ներքո, ներկայություն՝ քաղաքացիական ղեկավարության ներքո, բայց կլինի այդ շարունակական գործընկերության ռազմական բաղադրիչը, ներկայությունը»,- ասել է Սթոլթենբերգը պաշտպանության նախարարների մակարդակով «Վճռական աջակցություն» առաքելության գործընկերների հանդիպումից հետո:
Միաժամանակ նա նշել է, որ ներկայիս առաքելության տևողության հարցը դեռ որոշված չէ: ՆԱՏՕ-ն դրան կվերադառնա այս տարի ավելի ուշ:
