«Ժառանգություն» կուսակցության գլխավոր քարտուղար Ստեփան Սաֆարյանն այսօր լրագրողների հետ հանդիպմանը անդրադառնալով տարբեր երկրների նախագահների շնորհավորանքներին՝ ասաց, որ նրանց այդ հարցում օգնել են հենց ԵԱՀԿ/ԺՀՄԻԳ դիտորդները՝ իրենց նախնական զեկույցներով:
Պատասխանելով հարցին՝ եթե քվեարկության հաշվարկի ընթացքը կեղծվել է, ապա ինչո՞ւ էին իրենց վստահված անձինք ստորագրում արձանագրությունները, նշեց. «Շատերը ուշադրություն չեն դարձրել անճշտությունների թվին: Հետագայում, երբ պարզ է դարձել, արդեն ուշ է եղել; Եթե քո վստահված անձին թաղային հեղինակությունները սպառնում են, ապա էլ ի՞նչ պետք է անենք: Հետո՝ այդ մարդկանց ոչ մենք էինք մեր տանից բերել, ոչ էլ Րաֆֆի Հովհաննիսյանը: Հնարավոր է՝ չեն դիմացել գայթակղությանն ու վերցրել են իրենց առաջարկվող գումարն ու ստորագրել»:
Նա նաև նշեց, որ ՍԴ դիմելու համար ունեն բավական հիմքեր:
Լուսանկարը՝ PanARMENIAN Photo-ի
