Ապրիլի 14-ին տեղի ունեցավ Հայաստանի ֆուտբոլի ֆեդերացիայի կարգապահական կոմիտեի հերթական նիստը` ՀՖՖ կարգապահական կոմիտեի
նախագահ Ռուբեն Սինոյանի նախագահությամբ։
ՈՐՈՇՎԵՑ`
11/04/11թ. «Իմպուլս-2»-«Բանանց-2» խաղին «Բանանց-2» թիմի ֆուտբոլիստ Բենիկ Հովհաննիսյանին հեռացման (նույն խաղում 2 զգուշացում) համար, ՀՖՖ-ի կարգապահական կանոնակարգի 16-րդ հոդվածի 4-րդ կետի համաձայն, որակազրկել 1 խաղով, «Բանանց» ֆուտբոլային ակումբին տուգանել 25000 դրամով:
12/04/11թ. «Գանձասար-2»-«Շենգավիթ» խաղին «Շենգավիթ» թիմի ֆուտբոլիստ Էդվարդ Հովհաննիսյանին հեռացման (մրցակցին հայհոյելու) համար, ՀՖՖ-ի կարգապահական կանոնակարգի 16-րդ հոդվածի 13-րդ կետի համաձայն, որակազրկել 3 խաղով, «Ուլիս» ֆուտբոլային ակումբին տուգանել 100000 դրամով:
12/04/11թ. «Գանձասար-2»-«Շենգավիթ» խաղին «Գանձասար-2» թիմի ֆուտբոլիստ Հայրապետ Ավագյանին հեռացման (մրցակցին հայհոյելու) համար, ՀՖՖ-ի կարգապահական կանոնակարգի 16-րդ հոդվածի 13-րդ կետի համաձայն, որակազրկել 3 խաղով, «Գանձասար» ֆուտբոլային ակումբին տուգանել 100000 դրամով:
12/04/11թ. «Գանձասար-2»-«Շենգավիթ» խաղին «Գանձասար-2» թիմի երկրպագուների անվայել պահվածքի համար, ՀՖՖ-ի կարգապահական կանոնակարգի 15-րդ հոդվածի 11-րդ կետի համաձայն, «Գանձասար» ֆուտբոլային ակումբին տուգանել 30000 դրամով:
Առաջարկել «Գանձասար» ֆուտբոլային ակումբին համապատասխան աշխատանքներ վարել թիմի երկրպագուների հետ` ապագայում վերը նշված միջադեպերից խուսափելու նպատակով: Նախազգուշացնել թիմի անվտանգության հարցերով պատասխանատուին իր պարտականությունները կատարելու պատշաճ մակարդակով:
05/04/11թ. «Բանանց-2»-«Միկա-2» խաղին «Բանանց-2» թիմի կազմում որակազրկված ֆուտբոլիստ Գագիկ Դաղբաշյանի մասնակցելու համար, ՀՖՖ-ի կարգապահական կանոնակարգի 15-րդ հոդվածի 22-րդ կետի համաձայն, «Բանանց-2» թիմին գրանցել տեխնիկական պարտություն, «Բանանց» ֆուտբոլային ակումբին տուգանել 20000 դրամով:
«Փյունիկ» ֆուտբոլային ակումբի կողմից խաղի տեղափոխման գրությունը ուշ ներկայացնելու համար, ՀՖՖ-ի կարգապահական կանոնագրքի 15-րդ հոդվածի 34-րդ կետի համաձայն, «Փյունիկ» ֆուտբոլային ակումբին տուգանել 10000 դրամով:
«Գանձասար-98» թիմի առաջնությանը մասնակցելուց հրաժարվելու համար, ՀՖՖ-ի կարգապահական կանոնագրքի 18-րդ հոդվածի 1-ին կետի համաձայն, «Գանձասար» ֆուտբոլային ակումբին տուգանել 10000 դրամով:
