WBO վարկածով չեմպիոնական գոտու համար պայքարում Խորեն Գևոր-Ռոբերտ Շտիգլից մրցամարտից հետո ծագումով հայ բռնցքամարտիկի` մրցավարին հարվածելու արարքն անպատիժ չմնաց:
Ֆեդերացիայի որոշման համաձայն` Խորեն Գևորը զրկվել է առաջիկա կես տարում մենամարտելու իրավունքից և տուգանվել 51 հազար եվրոյով: Հաշվի առնելով բռնցքամարտիկի չափազանց վատ պահվածքը` պատիժը կարելի է շատ մեղմ համարել:
«Քանի որ Կյուհլերը ներել է Խորենին, և այս դեպքն առաջինն է նրա կարիերայում, նրա արաքը գնահատվել է որպես էմոցիոնալ պոռթկում: Ֆեդերացիան համարում է, որ Խորենն ընդունել է իր սխալն ու ցավում է իր արարքի համար, այդ պատճառով որոշում է կայացվել սահմանափակվել տուգանքով և 6 ամսվա որակազրկմամբ»,- BDB-ի նախագահ Թոմաս Պյուդցի խոսքերն է մեջբերում Fightnews-ը: