Հիմնադիր խորհրդարանը հաղորդագրություն էր տարածել, որում նշված էր, որ արդեն երկրորդ օրն է, ինչ ոստիկանությունը հետապնդում և անհիմն կերպով բերման է ենթարկում Հիմնադիր խորհրդարանի երիտասարդ աջակիցներին, որոնք Երևան քաղաքում իրազեկման պաստառներ են տարածում մայիսի 30-ին՝ ժամը 18:30-ին, Ազատության հրապարակում «100-ամյակը առանց ռեժիմի» շարժման հանրահավաք անցկացնելու մասին:
«Առաջին լրատվական»-ի հետ զրույցում ՀԽ պատգամավոր Վարուժան Ավետիսյանը ասաց, որ ոստիկանությունը բերման ենթարկելուց հետո պատճառաբանել է, թե պաստառները իրավունք չունեն փակցնեն Էլէկտրասյուներին, քանի որ Վարչական իրավախախտումների վերաբերյալ օրենքի 172.2 հոդվածով խախտել են նախատեսված կանոնները, այսինքն՝ հասարակական վայրերի վերաբերյալ կանոնները: Հասարակական վայրեր ասելով՝ վարչական իրավախտումների օրենսգիրքը նկատի ունի մարզադաշտեր, պուրականեր, զբոսայգիներ, հրապարակներ, փողոցներ, մայթեր. «Էլէկտրասյունը կամ նրա մակերեսը որքանով է հասարակական վայր, որևէ կերպ իրավական ակտերով մեկնաբանություն չկա, ըստ այդմ՝ պետք է հասկանալ , որ Էլէկտրասյունը և նրա մակերեսը չեն կարող հասարակական վայր համարվել, գուցե հանրային օգտագործման իր է, ձևակեպում չկա, ոււստի տվյալ նորմի ազդեցությունը չի կարող տարածվել»,- նշեց նա:
Վարուժան Ավետիսյանը նաև ընդգծեց, որ, ի տարբերություն նախորդ օրվա, այսօր պաստառները փակցվել են ոչ թե էլեկտրասյուների, այլ գովազդային վահանակների վրա, սակայն ոստիկանները կրկին հետպնդել են , շուրջկալել և բերման են ենթարկել. «Երկուսին են բերման ենթարկել, մյուսներին չեն հաջողել, և ստացվում է , որ հայտարարությունների տախտակի վրա անգամ իրավունք չունենք պաստառ փակցնել, բերված պատճառաբանություններն էլ անհեթեթ են , նախորդ օրվա ոստիկաններից մեկի հայտարարությունը պետք է ընդունել՝ որպես մեզ ուղղված վերբերմունք, նա ասել էր. «Դե երեխաներին ինչ եք ուրիշ բաներ խոսում, օրենքներ մեջբերում, գիտեք, որ միևնույնն է պիտի տանենք, ասված է, պետք է տանենք ձեզ» »,- մանրամասնեց Վարուժան Ավետիսյանը:
Ըստ նրա՝ հետաքրքիր է այն, որ ոստիկանները նաև ջանադրաբար պոկում են հայտարարության տախտակի վրայի փակցված պաստառները և նետում աղբարկղերի մեջ. «Այսինքն՝ ոստիկանները օրենքով սահմանված իրենց պարտականությունները կատարելու փոխարեն ընդամենը վերածվել են քաղաքական ճնշման գործիքի»,- նշեց ՀԽ պատգամավորը:
Վարուժան Ավետիսյանը նկատեց, որ «հանցավոր ռեժիմը» փոխել է իր մարտավարությունը. արտոնում է հանրահավաքը, բայց փորձում է ծածուկ խոչընդոտել՝ տարբեր մեթոդներով:
ՀԽ աջակիցների և անդամների վրա, որպես հոգեբանական ճնշաման լծակ, շարունակվում է օգտագործվել նաև ՀԽ 5 անդամների նկատմամբ հարուցված քրեական գործը, որի շրջանակում բազամթիվ աջակիցների անընդհատ հրավիրում են ոստիկանություն՝ առանց հստակ պարզաբանումների: Վարուժան Ավետիսյանի դիտարկամամբ՝ արդեն հազարավոր մարդիկ են հրավիրվել:
Մանրամասները՝ տեսանյութում
