«Միլան»-ի և Իտալիայի հավաքականի նախկին խաղացող Ջենարո Գատուզոյի կարծիքով՝ ակումբի ղեկավարները մեծ ուշադրություն են դարձնում երիտասարդ ֆուտբոլիստների զարգացմանը՝ մոռանալով, որ թիմին առաջատարներ են հարկավոր, ովքեր կարող են դժվարին պահին թիմը տանել իրենց հետևից:
«Տեսեք, օրինակ, Ժերեմի Մենեզին: Նա բավականաչափ գոլեր է խփում, բայց առաջատարի որակներ չունի և այդ առումով ոչինչ չի արել «Միլան»-ի համար: Եթե դու գլխավոր մարզիչ ես, ապա իրավունք չունես պաշտպանել ֆուտբոլիստին միայն այն բանի համար, որ նա գնդակն ուղարկում է մրցակիցների դարպասը:
Ես հարգում եմ Ֆիլիպո Ինձագիին: Բարձր եմ գնահատում մեր փառահեղ անցյալի մասին հիշողությունները: Բայց գերազանց ֆուտբոլիստ լինելը բավական չէ հիանալի մարզիչ դառնալու համար: Ժամանակակից մարզիչը պետք է վստահ լինի: Ֆուտբոլիստները չեն սպասելու, այլ ցանկանալու են իմանալ, թե ինչ ես անում և ինչ կարող ես առաջարկել իրենց: Եթե մեկ անգամ սխալվեցիր նրանց հետ շփման մեջ, դու՝ դիակ ես»,- Football Italia-ն մեջբերում է Գատուզոյի խոսքերը:
