2015թ. մայիսի 14-16-ը Երևանում կայանալու է «Մարտահրավերներ և հնարավորություններ. Կրոնական ազատությունների հետ կապված զարգացումներն իրավական ոլորտում» թեմայով գիտաժողով, որի բացումն ու պլենար նիստը տեղի կունենան Հայաստանի ամերիկյան համալսարանում, իսկ մնացյալ նիստերը՝ «Էրեբունի» բիզնես-կենտրոնում: Մոդերատորները կլինեն Հովհաննես Հովհաննիսյանն ու Էլիզաբեթ Քլարկը: Գիտաժողովին կմասնակցեն աշխարհի տարբեր երկրներից պրոֆեսորներ, Տեսական և պրակտիկ կրոնագիտության ԱՊՀ և Բալթյան երկրների համակարգող խորհրդի ներկայացուցիչը և այլ մասնագետներ:
«Առաջին լրատվական»-ի հետ զրույցում կրոնագետ, պատմական գիտությունների թեկնածու Հովհաննես Հովհաննիսյանը ասաց, որ լինելու է գիտական, ակադեմիական գիտաժողով։ «Նոր մոտեցումներ և տեսանկյուններ են ներկայացվելու»,- ասաց նա՝ հավելելով, որ թեմաների շրջանակը լայն է, ուսումնասիրվող հարցերը՝ հետաքրքիր:
