Երկնային մարմիններն, ինչպիսին ուրալյան երկնաքարն էր, հաճախակի են ընկնում՝ տարվա մեջ մի քանի անգամ, սակայն հիմնականում մեծ բարձրություններում այրվում են: Փետրվարի 15-ի առավոտյան ընկած մարմինը, շատ ամուր էր, հնարավոր է՝ երկաթյա էր:
Ռուսաստանի գիտությունների ակադեմիայի աշխարհագրական դինամիկայի ոլորտի գիտնականները հայտնել են, որ Ռուսաստանի տարածքում նման երևույթ վերջին անգամ գրանցվել է 2004 թ.:
Փորձագետները հաշվարկել են Չելյաբինսկի շրջանում ընկած երկնային մարմնի չափերը. այն եղել է մի քանի մետրանոց, կշռել է 10 տոննա և պարունակել մի քանի կիլոտոննա էներգիա:
Երեկ Չելյաբինսկի, Տյումենի, Կուրգանսկի մարզերի, ինչպես նաև Ղազախստանի և Բաշկիրիայի բնակիչները հետևել են երկնքում վառ փայլատակությանն ու պայթյունին: Չելյաբինսկում այն վերածվել է ասուպի տեսքով անձրևի: Այլ գիտնականներ հայտնում են, թե Չելյաբինսկի երկնքում երկնաքար է պայթել:
Պայթյունի հետևանքով բեկորներ երկիր չեն հասել, սակայն պայթյունի ուժգնությունից որոշ տների պատուհանների ապակիներ կոտրվել են: Արդյունքում 1200 մարդ տուժել է: Առավել շատ տուժել են Չելյաբինսկում, Հարավային Ուրալում և Կոպեյսկում: Զոհեր չկան, սակայն 2 մարդ ծանր վիճակում գտնվում են վերակենդանացման բաժանմունքում:
