Ադրբեջանական SalamNews կայքի փոխանցմամբ, Ադրբեջանի նախագահական ապարատում որոշել են մեծ կարևորություն տալ սոցիալական ցանցերին: Խոսքը Twitter-ի մասին է: Այսօրվանից այնտեղ բացվել է Ադրբեջանի նախագահի վարչակազմի էջը (www.twitter.com/AzerbaijanPA), ինչն աննախադեպ իրադարձություն է ադրբեջանական պետական կառույցների համար:
Այդ էջում տեղադրվելու է Ադրբեջանի նախագահի առօրյա աշխատանքային գրաֆիկի, նախագահի վարչակազմի գործունեության մասին տեղեկատվություն, որն իր մեջ ներառելու է նաև բոլոր հայտարարություններն ու մեկնաբանությունները, ընդունելություններն ու հանդիպումները:
Հիշեցնենք, որ Ադրբեջանի նախագահ Իլհամ Ալիևն Twitter սոցիալական ցանցում արդեն իսկ ունի երկու պաշտոնական էջ, որոնք գործում են անգլերեն և ադրբեջաներեն լեզուներով (www.twitter.com/azpresident, www.twitter.com/presidentaz):