ԵՄ-ի կողմից սահմանված նավթային էմբարգոյի պատճառով իրանական տնտեսության կորուստները 2012-ին հասել են 40 միլիարդ դոլարի: Agence France-Presse-ի փոխանցմամբ՝ այս մասին հայտարարել են Միջազգային էներգետիկ գործակալությունում:
Գործակալության գնահատականով՝ 2013-ի հունվարին Իսլամական Հանրապետությունում նավթի հումքի արդյունահանումը հասել է վերջին 30 տարվա ընթացքում նվազագույնի՝ օրական 2.65 մլն բարելի: Մինչ ԵՄ պատժամիջոցների ուժի մեջ մտնեը՝ Իրանը օրական արդյունահանել է 3.7 մլն բարել նավթ, իսկ 2000-ականների կեսերին ծավալները հասել են 4.2 մլն բարելի:
Այսօր գործակալությունը իջեցրել է նավթի հումքի համաշխարհային պահանջարկի կանխատեսումը 90 հազար բարելով՝ հասցնելով օրական 90.7 մլն բարելի: Գործակալության սպասումներում տեղ գտած փոփոխությունները կապված են Արժույթի միջազգաին հիմնադրամի վերջին գործողությունների հետ: Հիմնադրամը համաշխարհային տնտեսության աճի կանխատեսումը իջեցրել էր 3.6 տոկոսից՝ հասցնելով 3.5 տոկոսի:
Հունվարի կեսերին Իրանի նախագահ Մահմուդ Ահմադինեժադը առաջին անգամ հրապարակավ խոստովանեց, որ արևմտյան երկրների պատժամիջոցների պատճառով տնտեսությունը վնաս է կրում: Նա հայտնել էր տնտեսության աճի տեմպի դանդաղման մասին և անհրաժեշտ համարել վերացնել նավթային եկամուտներից ծայրաստիճան կախվածությունը:
