Լոնդոնի «Չելսի»-ի գլխավոր մարզիչ Ժոզե Մոուրինյոն «Լիվերպուլ»-ի իր գործընկերներին խորհուրդ է տվել վաճառել թիմի կիսապաշտպան Ռահիմ Ստերլինգի տրանսֆերը, ով չի ցանկանում նոր պայմանագիր ստորագրել լիվերպուլցիների հետ: Ավելի վաղ «Լիվերպուլ»-ի գլխավոր մարզիչ Բրենդան Ռոջերսը նշել է, որ առաջիկա ամռանը չի հրաժարվի Ստերլինգի ծառայություններից, անգամ եթե ամենաշահավետ առաջարկը ստանա:
«Ես չեմ սիրում ֆուտբոլիստներին, ովքեր չեն ցանկանում խաղալ իմ և ակումբի համար:Կարծում եմ` յուրաքանչյուր ֆուտբոլիստ իր արժեքն ունի: Կարևոր չէ, թե ում մասին է խոսքը: Եթե դուք հարցնեք ինձ, ցանկանու՞մ եմ արդյոք, որ Էդեն Ազարը հեռանա «Չելսի»-ից, բացասական պատասխան կստանաք: Իսկ եթե նա ինքը չցանկանա աշխատել ինձ հետ, ապա կունենա՞ արդյոք իր գինը: Կարծում եմ, որ այո:
Սակայն նաև չեմ հասկանում այն ակումբների և մարզիչների փիլիսոփայությունը, ովքեր ձգտում են ակումբում պահել ֆուտբոլիստին ցանկացած գնով: Իմ փիլիսոփայությունն, իհարկե, ավելի լավը չէ: Պարզապես, այն իմն է»,- Sky Sports-ը մեջբերում է Մոուրինյոյի խոսքերը:
